На граничните премини „Табановце“ и „Богородица“ времето на чекање е околу 30 минути
Сообраќајот на државните патишта се одвива непречено по суви коловози, велат од АМСМ.
Како што дополнуваат, интензитетот на сообраќај на патните правци надвор од градските средини е умерен. На ГП Табановце поради зголемена фреквенција на возила, за излез од државата времето на чекање е околу 15 до 30 минути. На останатите гранични премини од македонска страна, нема поголеми задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа