Мрачна тајна: Десетици мажи злоставувале несвесна жена по наредба на нејзиниот сопруг

Во Франција започна судењето против 71-годишниот Доминик П., обвинет за повеќекратно силување и сексуално злоставување на сопствената сопруга. Според обвинението, тој систематски ја дрогирал својата сопруга и ја нудел на десетици мажи кои ги регрутирал преку интернет.

Истрагата открила дека најмалку 72 мажи се сексуално згришила со несреќната жена, која во тоа време била потполно несвесна за случувањето. Жртвата, исто така на 72 години, дознала за ужасната вистина дури во 2020 година, кога полицијата ја информирала за злосторствата.

Судењето ќе биде вистинска траума за неа, изјави нејзиниот адвокат. Во текот на процесот, таа ќе биде соочена со шокантни видео докази за злоупотребата.

Обвинетите мажи, на возраст од 26 до 74 години, најчесто ја нападнале жената еднаш, додека некои ја силувале и до шест пати. Нивната одбрана тврди дека се работи за исполнување на сексуални фантазии на парот, но вештаците тврдат дека жртвата не спиела, туку била во состојба слична на кома.

Овој случај предизвика голема вознемиреност во јавноста и постави сериозни прашања за менталното здравје и безбедноста на жртвите на домашно насилство.