Мисајловски: Ќе ги скратиме непродуктивните трошоци и ќе има пари за се што треба
Кога разговараме со партиите за коалиција најважна беше програмата дали ќе се најдеме околу истата. Утре ќе биде потпишување на коалицијата, рече Влади Мисајловски, потпретседател на ВМРО-ДПМНЕ на денешното гостување во Тема на денот што се емитува во рамки на централниот Дневник на телевизија Сител.
Мисајловски посочи дека се разговара со најквалитетните луѓе и оти тие се предложат за соодветни места.
„Ние не зборуваме само кој ќе има министер, туку дали ќе се има капацитет да ги спроведе проектите. Нас најважна ни е работата, реализација на проектите“, кажа Мисајловски.
Потпретседателот се осврна и на прашањето за балансерот.
„Сите кои велат дека се за ЕУ, а се за балансерот тие сами се негираат. Причината поради која бараме укинување на балансерот е да се стават соодветни лица на соодветни места. Треба да се вработуваат само најквалитетните“, изјави Мисајловски.
28.03.2024 - 20:10
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
