Милевски: Горд сум на играта, но недостигаше реализација
Фудбалската репрезентација на Македонија загуби од Грузија со 2:0 на гостувањето во Тбилиси. Автоголот на Бојан Миовски донесе водство за домаќинот, а Квича Кварацхелија го постави конечниот резултат.
Селекторот Благоја Милевски вели дека е горд на играта што Македонија ја прикажа во поле, но недостигаа голови за триумф.
„Одигравме квалитетно во поле и можам да бидаме горд на играта што ја прикажавме со оглед дека доминиравме. Единствено што недостигаше е подобра реализација. Создадовме многу шанси, но повторно има пад на концентрацијата и грешки во клучни моменти. Но, ние сме тим, заедно победуваме и заедно губиме, никогаш нема да издвојувам поединци. Би сакал да им честитам на Грузијците за победата и за првоѕо место во групата од Лигата на нации“, изјави Благоја Милевски.
Македонија в понеделник ќе биде домаќин на Бугарија во последниот натпревар од ова издание во Лигата на нации.
МАКФАКС
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
