Културниот центар „Иван Михајлов“ е избришан од Централниот регистар
Уставниот суд денеска ја отфрли иницијативата со која се бараше поништување на Статутот и на Програмата на Здружението Културен центар „Иван Михајлов“ – Битола.
„По утврдената фактичка состојба произлезе дека Здружението Културен центар ‘Иван Михајлов’ Битола е избришано од единствената база на податоци на Централниот регистар, односно не постои како правен субјект. Согласно овие информации Уставниот суд воочи процесни пречки за да одлучува по иницијативата и со тоа исполнети се условите од членот 28 алинеја 3 од Деловникот на Уставниот суд, за да ја отфрли иницијативата“, соопшти Уставниот суд.
Подносителот, политичката партија „Левица“ бараше поништување на актите со наводи дека оспорените Статут и Програма се спротивни на членот 20 став 2 од Уставот затоа што според него се насочени кон разгорување на национална или верска омраза или нетреливост.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
