Кремљ: Путин се капеше во ледена вода
Рускиот претседател Владимир Путин утрово се капеше во ледена вода по повод празникот Богојавление, изјави за новинарите портпаролот на Кремљ, Дмитриј Песков, пренесува руската државна новинска агенција Тасс.
На прашањето дали 71-годишниот претседател се капел за Богојавление, Песков одговорил: „Да, тоа го направи за да го одбележи Богојавление според традицијата“. Православните верници ширум светот денеска го слават Христовото крштевање, еден од најголемите христијански празници.
Традиционалното капење обично се случува во раните утрински часови на 19 јануари. Во 2018 година, Кремљ за прв пат објави дека Путин го прославил празникот на традиционален начин. Според Песков, Путин претходно ја следел традицијата, но не ја рекламирал. Минатата година Путин се капеше во предградие на Москва.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
