Израел целосно ја опколи Газа: „Прекин на огнот во моментов не е на маса“
Портпаролот на израелската армија Даниел Хагари денеска изјави дека копнените сили целосно го опколиле градот Газа.
„Нашите војници го опколија градот Газа, кој е центар на операциите на Хамас“, рече Хагари на прес-конференција, пренесува „Тајмс оф Израел“.
Тој додаде дека лидерот на Хамас, Исмаил Ханије, кој живее во Катар, треба да го посети Иран со својот приватен авион.
„Тие се обидуваат да не оттргнат од фокусирањето на Газа. Фокусирани сме на Хамас“, рече Хагари.
На прашањето за потенцијален прекин на огнот, портпаролот нагласи дека „поимот „прекин на огнот“ во моментов не е на маса“.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
