Голем пожар во велешко - поради ветрот опасноста се шири кон Општина Долнени
Денеска во 12:38 часот, во Центарот за управување со кризи, добиена е пријава за пожар на сува трева покрај железничката пруга кај м.в.Ореше, Општина Чашка. За кратко време, поради силен и променлив ветар, пожарот се проширил во дабовата и габеровата шума, помеѓу селата Ореше и Богомила.
Поради силниот оган, до 17:00 часот, во прекин беше и железничкиот сообраќај.
На интервенција на пожарот излегоа ЈП Национални шуми – подружница „Бабуна“ – Велес, како и лица од месно население.
„Поради брзото ширење на пожарот и неможноста да се стави под контрола од силите кои интервенирале, во 14:36 часот, подигнати во воздух како воздушна подршка на силите кои го гаснат пожарот од земја се трите (3) ер-трактори на Дирекцијата за заштита и спасување и истите дејствуваа двапати, но според известувањето од одговорното лице на терен, пожарот е сеуште критичен и доста активен, а поради засилениот ветер се шири кон повисоките делови на сртот кон Општина Долнени“, изјавија од Центарот за управување со кризи.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
