Џеј Зи и Бијонсе си купија хациенда од 200 милиони долари
Раперот-продуцент Џеј Зи и поп-дивата Бијонсе платија во кеш 200 милиони долари за нов дом од соништата.
Оваа зделка за имот вреден 200 милиони долари официјално ја прави најскапа куќа некогаш купена во Калифорнија. Според медиумите, ова е втор најскап купопродажен договор во историјата на американските недвижнини, бидејќи стан во Њујорк претходно беше продаден за 238 милиони долари.
Имотот, кој се простира на површина од 30.000 квадратни метри, претходно бил во сопственост на колекционерот на уметнички дела Вилијам Бел.
Оваа вест можеби не е изненадување имајќи предвид дека Џеј Зи вреди околу 2.5 милијарди долари, делумно поради неговите брендови алкохол Ace of Spades и D’Usse, неговата збирка ликовна уметност и неговиот сопствен каталог со музика.
Музичката кариера на неговата сопруга ѝ донесе богатство од близу 500 милиони долари, што најверојатно ќе се зголеми со турнејата „Ренесанса“ бидејќи се очекува серијата концерти да генерира повеќе од 1 милијарда долари.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
