Букурешт: Ја претепал својата роднина, па ја полил со бензин и ја запалил
54-годишна жена почина денеска во болница во Букурешт откако нејзин роднина ја претепал и ја запалил во влез на зграда, јавуваат локалните медиуми.
Камерите го снимиле моментот кога 54-годишна жена била брутално претепана од нејзиниот внук, а подоцна и запалена на скалите во блокот каде што живеела.
Мажот подоцна бил уапсен од полициските службеници. Целата трагедија е снимена од надзорната камера во зградата.
На видеата се гледа како маж чека жена, која била и управителка на блокот, во приземјето на зградата. Најпрвин изгледа дека двајцата водат жесток разговор, по што лицето почнува брутално да ја тепа и да ја полева со бензин, пренесува обсерваторрњуз.ро.
Жената се обидува да се врати во блокот, при што нејзиниот внук повторно брутално ја удира, овој пат со нога напред. Таа паѓа на земја и ја удира главата на скалите. Сосетката се обидува да го смири конфликтот, но кога сфаќа што следува, бега по скалите.
Тоа е моментот кога мажот ја запали жената. Потоа тој бега од местото на настанот. Поведена е кривична постапка за квалификувано убиство со бруталност, а истрагата продолжува.
Сцените снимени од надзорните камери се најважниот доказ во оваа истрага. Мажот набрзо бил фатен од полицијата.
— Rade Fantastični (@RFantasticni) November 6, 2023
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
