Британска инфлуенсерка има најголеми усни, се исплашила кога ги зголемувала градите

27-годишната Софија Липс од Манчестер верува дека нејзините усни моментално се најголеми во Британија и планира дополнително да ги зголеми за да стекне меѓународна слава.

Таа претходно го привлече вниманието кога сподели слики од нејзините „сочни усни“ на Инстаграм, каде има 25.000 следбеници. Многу нејзини обожаватели изразија загриженост за нејзините отечени усни, кои содржат повеќе од 100 мл филер, објави Сан.

Софија редовно ги полни усните на секои два месеци, понекогаш тоа го прави и самата дома. Таа потрошила вкупно околу 200.000 фунти на различни естетски зафати, но нејзините планови за подобрување на изгледот не завршуваат тука. Таа, која естетската хирургија ја опишува како „хоби“, има направено и две зголемување на градите, две бразилски подигања на задникот (BBL) и трансплантација на коса.

27-годишната девојка од Манчестер претходно откри дека третата операција на градите ја чинела 10.000 фунти, но за малку ќе ја чинела живот.

Софија тврди дека нејзиниот „животот бил на жица“ по операцијата во Турција, откако „зелена нечистотија“истекла од нејзините гради.

„Беше таков хаос“, вели Софија, која се претставува како модел.

- Буквално за малку ќе умрев затоа што стана многу лошо. Самата операција помина добро, но штом стигнав дома кошмарот започна. Имав неподносливо чувство на печење, проследено со оток. Кога погледнав надолу, имаше зелена нечистотија низ моите завои. Не знаев што се случува и бев загрижена дека животот ми е во прашање.

Софија, која отишла на процедурата во декември 2022 година, издвоила 6.000 фунти за да премине од имплант од 450 кубици на имплант од 800 кубика.

Кога пристигнала на клиниката, сѐ било направено како и обично, па немала никакви грижи. Следниот ден полетала дома и веднаш била префрлена во болница. Таа рече:

-Кога пристигнав ми ја кажаа веста од која се плашев, тоа е сепса. Веднаш ме примија и морав да останам една недела додека се лекувам за да се ослободам од инфекцијата. За да се уверат дека ќе преживеам, ми рекоа дека морам да го извадам левиот имплант. Одбив, бидејќи не сакав да ги изгубам моите весели гради за кои платив толку многу и поминав низ толку многу. За среќа, кога почнав да реагирам на антибиотиците и полека се подобрив, инфекцијата набрзо се расчисти.

По неколку недели во болница, Софија била решена да не дозволи овој неуспех да ја спречи да го постигне изгледот за кој сонуваше. Во јануари 2023 година отишла во друга клиника во Турција и добила 1050 кубни метри - направени се најголемите можни силиконски импланти и сега е навистина задоволна со своите гради.