Аларм во тимот на Горан Пандев: Џенова има 14 позитивни на коронавирус
Џенова потврди 14 нови случаи на коронавирус само еден ден по дебаклот од Наполи со 6-0 на „Сан Паоло“. На веќе заразените Шоне и Перин кои не отпатуваа за Неапол, 14 нови членови од екипата се ставени во самоизолација откако имале позитивни резултати по денешните тестирања.
Клубот за којшто настапува македонската легенда Горан Пандев, потврди дека заразени се осум фудбалери, останатите се членови на стручниот штаб, а имињата засега не се познати.
Можно е меѓу заразените да има играчи кои вчера настапија на средбата против Наполи, па нема да биде изненадување да има позитивни случаи и во редовите на тимот на Џенаро Гатузо.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
