6-годишно момче од Британија починало од стрептокока, мајката го пронашла неговото тело на подот во бањата

Шестгодишниот Броди Ли Морган починал кон крајот на ноември од стрептокока А. Мајката го пронашла телото на својот син на подот во бањата.

Таа веднаш повикала брза помош, но момчето не можело да се спаси, пишува Дејли Мејл.

Во Обединетото Кралство од 12 септември досега починале 40 деца од инвазивниот облик на оваа бактериска инфекција.

Аутопсијата спроведена од патологот Ендрју Бамбер утврди дека причината за смртта е стрептокока А.

По неговата смрт, семејството на Броди формирало фонд за помош на самохраната мајка Џејми Ли Морган.

Момчето, како што истакнало семејството деновите пред неговата смрт, било многу активно, сакал да си игра со другарите и да оди на училиште.

Неодамна почна да тренира таеквондо и земаше часови по шпански. Тој исто така играше рагби за локален клуб, го поддржуваше Ливерпул ФК и го сакаше Мо Салех.

Д-р Дерен Реди, директор на британската агенција за здравствена безбедност, рече дека бројот на пациенти е намален од врвот во декември, но дека бактеријата што ја предизвикува инфекцијата сè уште циркулира.

Британските здравствени експерти наведуваат дека инфекцијата на почетокот е обично блага и ги повикуваат родителите да одат на лекар при првите симптоми на болеста, пренесе Телеграф.рс