(ВИДЕО) Хаос во Италија: Шумски пожари на југ и силни бури на север - за 24 часа загинаа 7 лица

Пожарите на Сицилија доведоа до привремено затворање на аеродромот во Палермо, откако температурите во градот се искачија на 47 степени Целзиусови.

Меѓународниот аеродром во Палермо е затворен поради пожарите. Шумскиот пожар е еден од неколкуте на островот Сицилија и се прошири поради ветровитите.

Palermo’s international airport has been shut down as fires burned around its perimeter. The wildfire is one of several on the island of Sicily and has spread due to windy conditions. pic.twitter.com/uZUnMf0Twk

— Breaking Aviation News & Videos (@aviationbrk) July 25, 2023

Медиумите пренесуваат дека 88-годишна жена починала на неколку километри од главниот град на Сицилија откако пожар ги спречил службите за итни случаи да стигнат до неа. Во пожар во куќа во градот Чиниси, во близина на аеродромот, попладне биле пронајдени тела на две лица на возраст од околу 75 и 77 години.

The worst GM ever

Yesterday and today Sicily has burned non stop, the fire is dangerously reaching the houses, including mine.

All the phone lines and Wi-Fi are compromised and internet is as slow as it can be.

The police told us to evacuate our homes if the fire gets closer… pic.twitter.com/G4hE2Q764i

— Gianmarco (@Gart3_eth) July 25, 2023

„Никогаш не сме виделе такво нешто“, изјави жител за италијанската новинска агенција „Анса“. Бевме опкружени со оган. Не можевме да одиме никаде. Ноќта ја поминавме на плоштад. Тоа беа ужасни моменти“. Пожар сега го задуши Палермо на Сицилија.

Fire now choking Palermo in Sicily. pic.twitter.com/TGhB8s3lnt

— Brendan May (@bmay) July 25, 2023

Невремето во Ломбардија однесе четири животи, вклучувајќи го и оној на 16-годишно девојче кое загина додека кампуваше кога дрво падна врз нејзиниот шатор. Една 58-годишна жена загина откако ја згмечи дрво во Монца, а брачен пар, загинаа откако возачот изгубил контрола над нивниот автомобил на лизгавиот пат во Варезе. Во близина на Палермо, повеќе од 120 семејства се евакуирани од своите домови од понеделникот, поради облаците од чад и пепел. Повеќе од 200 луѓе во Палермо побарале лекарска помош поради вдишување чад. Во раните попладневни часови, главните улици на главниот град на Сицилија, вообичаено преполни со туристи, беа речиси пусти. „Изгубивме се“, вели еден жител. „Немав време да се пакувам. Сега морам да најдам место за спиење вечерва“. Температурите во Палермо пораснаа, соборувајќи го претходниот рекорд за градот од 44,8 степени Целзиусови поставен во 1999 година. Болниците низ градот објавија нагло зголемување на бројот на луѓе кои бараат итна помош за болести поврзани со топлината. Стотици пациенти во болницата на северот на Палермо беа евакуирани и префрлени во друга здравствена установа, а две болници ги прекинаа рутинските прегледи. Во источниот сицилијански град Катанија, температурите беа блиску до 47 степени додека луѓето се мачеа поради прекини на струја и проблеми со водата. Локалниот аеродром, петти по големина во Италија, беше затворен минатата недела по пожар во зградата на терминалот и повторно беше отворен само за неколку летови, пишува Гардијан.