Тренчевска: Граѓаните да не се грижат, пари ќе има и за исплата на пензии и за плати

Министерката за труд и социјална политика, Јованка Тренчевска денеска гостуваше во „Телевизија 24“, каде зборуваше на неколку теми кои се во надлежност на Министерството за труд и социјална политика.

„Пензионерите ги добија септемвриските пензии, зголемени за 6.8% и согласно новата методологија, усогласување на пензиите ќе има два пати во годината, септември и март. Целта на ваквото решение е воспоставување на систем за постојан раст на пензиите. Во бројки пензионер со просечна пензија во август 16.376 денари, во  септември добил  17,490 денари, споредно со јуни 2017 година, тоа е околу 3500- 4000 денари повеќе пари на сметката на секоја пензионер,“ рече Тренчевска.

Тренчевска кажа дека граѓаните треба да бидат спокојни затоа што ќе има пари за пензии и плати.

„Граѓаните да бидат спокојни, пари ќе има и за исплата на пензии и за плати, рече Тренчевска. 

Министерката информираше дека, со здруженијата на пензионери веќе е разговарано и за зголемување на минималната пензија, за што ќе се отвори социјален дијалог и ќе се креира најиздржаното  решение.

Министерката се осврна и на коментарот за новата методологија на усогласување на пензиите и линеарното зголемување на пензиите, при што посочи дека преку процентот за пораст на пензиите, согласно новата методлогија се потврдува дека системот е праведен.

„Затоа што правото за остварување на пензија е уставно загарантирано право и секој работник со исполнување на условите за пензионирање, односно со навршување на 64 години за маж и 62 години за жена, во формирањето на висината на пензијата се зема предвид вкупниот работен стаж и просекот на плата што ја земал во работниот век. Вовисока плата значи и повисока позиција и поголеми одговорности, затоа праведно е процентуалното зголемување на пензиите. Линеарното зголемување од 600 денари што го правеше минатата власт е непочитување на законското решение и популистичка мерка. Преку усогласувањето на пензиите согласно новата методологија, пензиите имаат постојан раст и притоа, секое усогласување влегува во основицата на пензијата“, вели министерката.

Таа потсети дека, со јануарското усогласување на пензиите од 2.9% и заедно со 6.8% за месец септември, оваа година пензиите пораснале за 9.7 %, а исто така 330. 000 пензионери добија и финансиска поддршка од 3000 денари за полесно справување со економска криза.