Прва трансплантација на матка во Британија: Жена донирала орган на својата сестра за да стане мајка

Успешно е извршена првата трансплантација на матка во Велика Британија. Имено, жена на 40-годишна возраст, која веќе има две свои деца, на својата помала 34-годишна сестра ѝ „подарила“ матка. 

Во комплицираната 17 часовна операција за отстранување на матката од донаторот и нејзиното вградување учествувале два тима од осум хирурзи кои работеле во соседни операциони сали, пишува Дејли Меил.

Иако операцијата траела подолго од планираното, таа поминала добро и вградената матка е „целосно функционална“, соопштиле од болницата.

Операцијата е извршена во болницата Черчил во Оксфорд.