Пандев добива американски газди
Најстариот италијански фудбалски клуб Џенова, во чии редови настапува македонската фудбалска легенда Горан Пандев, премина во рацете на американскиот инвестициски фонд „777 Partners“ за сума 150 милиони евра.
Италијанските медиуми објавија денеска дека американската компанија и претседателот на Џенова Енрико Презиоси постигнале договор и многу скоро во врска со зделката ќе биде објавено официјално соопштение.
„777 Partners“ е приватна инвестициска компанија со седиште во Мајами. Основана е во 2005 година, а во нејзиното портфолио имаат и малцински удел во шпанскиот прволигаш Севиља.
Џенова е формирана на 7 септември 1893 година и е најстариот фудбалски клуб во Италија. За Џенова од 2015 година настапува рекордерот според бројот на настапи во македонскиот дрес и најдобар стрелец на сите времиња Горан Пандев.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
