Поништен тендерот за земјиштето кај НБРМ продадено за евро по квадрат

Поништен е тендерот на кој за 71 денар за метар квадратен беше продадено земјиште спроти НБРМ, кај „Џамбо Веро“ во Скопје. Како што велат од Министерството за транспорт и врски, тендерот го поништиле бидејќи во меѓувреме, три лица се пријавиле дека поседуваат дел од земјиштето, објавува Телма.

Земјиштето со површина од 2855 м2, минатата недела беше продадено на тендер за 71 денар за метар квадратен. Продажбата предизвика реакции од страна на Општина Центар поради ниската цена.