Хаос во општина Центар: Жерновски остана без комплетниот кабинет

Без работа останаа 32 лица привремено вработени во општина Центар откако агенцијата преку која беа вработени ја загуби лиценцата. Жерновски остана без својот комплетен кабинет, а нема ниту секретарка.

 „Обезглавени се повеќе сектори, а градоначалникот Андреј Жерновски останува без својот комплетен кабинет, помошници раководители на сектори, секретарка. Општината ќе биде блокирана, бидејќи од денеска не се на работа и лица кои се примени од претходното раководство, а работеа на просторно уредување и планирање, осветлување, зеленило. Од денеска нема кој да ја одржува и хигиената, бидејќи и хигиеничарките остануваат без работа, а на улица е и одговорното лице за народната кујна во Маџир Маало“ - соопштија од општина Центар.

Најголем дел од овие 32 вработени во општина Центар дојдоа заедно со Жерновски. Советничката група на ВМРО-ДПМНЕ тогаш обвинуваше дека станува збор за партиски вработувања на кои Жерновски им дал предност пред изградбата на градинка во општината која ја вети пред изборите.