Хаос на улиците - изминатото деноноќие 11 сообраќајки во Скопје
Изминатото деноноќие на скопските улици се случиле 11 сообраќајни незгоди од кои шест се со поголема материјална штета, во четири од нив лицата кои учествувале во сообраќајките се здобиле со полесни телесни повреди.
Се случила и една незгода со тешки телесни повреди околу 19 часот на улица „4“ пред куќен број 123 во село Стајковци во која учествувало непознато моторно возило со непознати регистарски таблички и пешак, граѓанин на Скопје. Како последица од незгодата со тешки телесни повреди се здобил пешакот.
Сообраќајната полиција санкционираше 12 возачи кои непрописно ги паркирале своите возила на автобуските стојалишта и 16 возачи кои непрописно ги паркирале своите возила на пешачките премини или во зона на крстосница. Меѓу останатите откриени прекршоци се и преземените мерки према седуммина возачи коишто не го почитувале ограничувањето на брзината на движење и 14 возачи кои не ги почитувале светлосно сообраќајните знаци на крстосниците.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
