Нова трагедија ја потресе Македонија: Загина 24-годишно момче
На околу пет километри пред Тетово на автопатот кон Скопје синоќа во сообраќајна несреќа животот го загуби 24 годишник од Свети Николе. Несреќата била пријавена во СВР Тетово околу 20 часот и 30 минути.
-Во СВР Тетово било пријавено дека на автопатот Тетово-Скопје патничко возило „Голф“ со регистерски таблици од Свети Николе, управувано од В.З.(24) од Свети Николе, излетало од коловозот. Возачот починал на местото на настанот, а смрт констатирал доктор од Итна медицинска помош Тетово, информира Фатмир Реџепи, портпарол на СВР Тетово.
По наредба од Јавен Обвинител при ОЈО Тетово, телото на починатиот ќе биде дадено на обдукција. Увид врши а екипа од СВР Тетово.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
