Синот на Ел Чапо екстрадиран од Мексико во САД
Овидио Гузман Лопез, син на мексиканскиот наркобос Хоакин „Ел Чапо“ Гузман, е екстрадиран од Мексико во Соединетите држави, соопшти американското Министерство за правда.
Екстрадицијата беше „резултат на соработката со силите за спроведување на законот на Соединетите Држави и Мексико“, рече главниот обвинител Мерик Б. Гарланд во изјавата во петокот во која Гузман се нарекува „водач на картелот Синалоа“.
„Оваа акција е најновиот чекор во напорите на Министерството за правда да го нападне секој аспект од работењето на картелот“, додаде Гарланд.
Гузман беше пренесен во Чикаго и слета во петокот попладне, изјави за Си-Ен-Ен помошник американскиот обвинител Џозеф Д. Фицпатрик.
Гузман беше уапсен од мексиканските власти во јануари оваа година по драматичната операција во северната држава Синалоа, која доведе до 29 смртни случаи и оттогаш е во притвор. САД бараат негова екстрадиција поради трговија со дрога.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
