Силното невреме ги „осакати“ земјоделските култури - Комисиите ќе ги утврдуваат штетите

Невремето кое се случи вчера попладне (29.08.2023 г.), помеѓу 16.10 и 17.10 часот, на територијата на Општина Прилеп и околината, проследено со силен северен ветар, интензивен пороен дожд а нa некои места и град, нанесе голема штета на земјоделсските површини и култури, изјави директорот на Центарот за управување со кризи, Стојанче Ангелов. 

Најмногу врнежи од град со големина на лешник паднале во месноста „Заград“, с. Мажучиште како и во с. Мало Коњари.

Инаку, пријавените штети на насадите со тутун и пипер дополнително ќе се утврдуваат од комисијата за процена на штети во Министерството за земјоделие - Подрачното одделение во Прилеп, заедно со комисијата за утврдување на штети во општина Прилеп.