Апокалиптични сцени од Јапонија: Мостот заврши во реката, заглавени автомобили, стотици илјади луѓе евакуирани

Екстремно силниот дожд продолжува да паѓа во јужниот регион на Јапонија – Кјушу зголемувајќи го ризикот од лизгање на земјиштето. Властите веќе наредија евакуација на речиси 360.000 жители на градот Кумамото, а апокалиптични сцени го обиколуваат светот.

Метеоролозите ги повикуваат луѓето да бидат внимателни од лизгање на земјата, поплави и надојдени реки и да ги проверат најновите информации за евакуација за да се осигурат за нивната безбедност.

Јапонската метеоролошка агенција соопшти дека дождовните облаци лебдат над Кјушу од неделата вечерта. Во селото Нишихара в понеделник наутро за еден час паднале 93 милиметри дожд.

Фотографиите од местото на настанот сведочат за драматичната ситуација на теренот. Нивото на водата постојано се зголемува, а на одредени места и инфраструктурата е во колапс.

Објавени се и фотографии на кои се гледа како мостот се урнал додека водата продолжува неконтролирано да тече. Некои слики покажуваат автомобили како возат низ поплавените улици во полиња.

Се излеа реката во Кумамото. Другите во Кјушу се на опасно ниво. Општинските власти во регионот издадоа наредби за евакуација на многу области.

Во периодот од 24 часа, до вторник наутро, на северот на Кјушу се очекуваат до 250 милиметри дожд, а на југот од регионот 200 милиметри.