Парис поубава од кога и да е, најмладиот син не сме го виделе со години: Вака денес изгледаат децата на Мајкл Џексон

Во театарот Нил Сајмон приредено било ново бродвејско шоу за популарниот и контроверзен уметник Мајкл Џексон.

Мјузиклот со име „MJ: Мusical “ посветен на Мајкл Џексон го одглумил Мајлс Фрост.

На овој спектакл се појавиле и трите деца на Мајкл Џексон – Парис, Принц и Принц Мајкл II попознат по прекарот Биги.

Биги Џексон не се појавува во јавноста веќе со години, а ова е првпат по долго време да го видиме јавно. Пред тоа се појавил само во емисијата „Добро утро Британијо“, минатата есен кога зборувал за климатските промени.

Парис и Принц прошетале на црвениот тепих пред шоуто, а своите места ги зазеле кога светлата се изгасиле и тоа во друштво на нивниот најмлад брат Биги.

Во текот на овој мјузикл, Парис плачела во публиката, а особено емотивен момент бил кога главата ја потпрела на рамениците од својот брат.

Од театарот излегла со своите браќа пред светлата да се вклучат, а завесата да се спушти, не чекајќи го ракоплескањето на крајот.

Да ве потсетиме, Принц и Парис се децата кои Мајкл ги добил со медицинската сестра Деби Роу, својата втора сопруга. Биги го родила сурогат мајка. Сите три ги одгледувал на ранч.

Биги во јавноста е познат на многу чуден начин. Кога имал само 9 месеци татко му го покажал на собраните луѓе пред терасата од хотелот во Берлин во кој престојувал, а на фотографијата се гледа како со едната рака го држи бебето, а со другата мавта.

Парис  родена во 1998 година, а  оттогаш е во центар на вниманието на светската јавност поради татковата слава. Кога тој починал, таа имала 11 години, а мајката Деби ја запознала кога имала 13 години и тврди дека денес имаат квалитетен однос.