Taжна вест: Почина легендата на Вардар, Ванчо Трпевски
Тажен ден за сите симпатизери на Вардар. Денеска на 87-година од животот почина легендата на овој клуб Ванчо Трпевски кој целата кариера ја мина во редовите на „црвено-црните“ најпрво како играч, а потоа и како тренер во помладите и сениорските категории на најтрофејниот македонски клуб.
Трпевски е роден во 1934 година. Од Вардар е од почеток до крај, од неговите почетоци до пензионирањето.
Трпевски целиот тренерски стаж го мина работејќи во сите генерации на Вардар. Тој беше тренер на Вардар во сезоната 1993/94 кога тимот се закити со втората шампионска титула во независна Македонија. Трпевски беше и селектор тренер на пионерската, јуниорската и серниорската репрезентација на Македонија во екс СФРЈ, а по осамостојувањето беше селектор на јуниорската и селекцијата до 21 година на Македонија.
Вистинското име му е Јован Трпев, но сите го знаат како Ванчо Трпевски.
Од него преку својот Фејсбук профил прва се прости неговата ќерка, поп пејачката и музички педагог Искра Трпева Арсовска.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
