Иако заминаа, најдобри стрелци за 2021 на Барса и Јуве се Меси и Роналдо
И покрај тоа што оваа календарска година одиграа само една полусезона, Меси и Роналдо на крајот завршија како најдобри стрелци на нивните поранешни клубови.
Кристијано Роналдо на крајот од летниот преоден рок го напушти Торино и потпиша за Манчестер Јунајтед, но сепак годината ја затвора како најдобар стрелец на „Бјанконерите“.
Тој годинава за Јуве постигна 20 гола во сите натпреварувања, а потоа додаде 13 на 18 натпревари во дресот на Манчестер Јунајтед со кого до 31 декември има уште некој натпревар и шанса да ја подобри статистиката.
Неговиот ривал Лионел Меси исто така ја носи истата „титула“ најдобар стрелец на својот поранешен клуб. Тој годинава за Барса постигна дури 28 голови, па не случајно никој не успеа да го надмине иако од лето настапува за друг клуб, францускиот ПСЖ.
Во дресот на „Светците“ Меси го нема истиот ефект како во Барса. Сезонава има само 6 гола на 16 натпревари од кои само 1 во Лиг 1, а 5 во Лигата на шампионите.
Ronaldo finished as Juventus top scorer for 2021.
Messi finished as Barcelona top scorer for 2021.
They both left in the summer pic.twitter.com/xBhbpxNRyp
— ESPN FC (@ESPNFC) December 22, 2021
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
