Новиот тренер на Реал Мадрид ја кажа својата прва желба, неговиот клуб спремен да го пушти
Вториот капитен на репрезентацијата на Германија, Џером Боатенг, кој има 68 настапи за „панцирите“, е една од првите желби на новиот тренер на Реал мадрид, Хулен Лопетеги, со голманот на Рим Алисон кој е, како што стои, новиото засилување на Реал, пишуваат шпанските медиуми.
Боатенг се бореше со повреди во изминатите три сезони, и иако тој го пропушти крајот на минатата сезона поради повреда на ногата, германскиот селектор Јоаким Лев го стави на списокот за претстојниот Мундијал.
Претседателот на Баерн Минхен, Карл Хајнц Румениге, рече дека клубот ќе слушне понуди за Боатенг и дека клубот нема да го спречи ако одлучи да си замине.
-Разговарав со неговиот агент и ме информираше дека Џером ќе ја разгледува понуди на други клубови. Не е тајна дека имаме минимална цена за него и дека таа не е мала, но ние сме свесни дека Џером размислува да замине, рече Румениге.
Во досегашниот тек на кариерата, Боатенг, освен Баерн и Манчестер Сити, играше и за Херта Берлин и Хамбургер.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
