Уште една легенда го најави своето заминување: Нема веќе убавина во играњето фудбал

Познатиот Бразилец, Кака има важечки договор со Орландо до крајот на сезоната, а тој на некој начин најави што е следно во однос на неговата кариера.

Индиректно тој најави дека ќе замине во пензија во разговор за Глобеспорт. Тој вели дека телото повеќе не може да издржи на неговите 35 години.

„Би сакал да направам нешто слично како Зинедин Зидан. Тој престана да игра, зема малку слободно време, и увиде дека сака да биде тренер. Можеби би можел како него“.

А дали Кака ќе продолжи да игра фудбал?

„Не наоѓам веќе убавина во играњето фудбал, чувствувам болка по секој меч. Моето тело тоа го чувствува. Кога имате 35 години тешко е да закрепнете од се“, истакна Кака.