Видео: Меси ги избриша солзите на расплакано детенце

Сите сакаа да го видат Лионел Меси кога пристигна аргентинската репрезентација во Монтевидео каде во сабота ќе игра против тимот на Уругвај како дел од квалификациите за Светското првенство.

И додека сите останаа зад заштитната ограда, еден малечок обожавател успеа да се пробие низ обезбедувањето и да дотрча кон Меси, но редарите го фатија и молскавично го тргнаа на страна. Тука настапи Меси кој покажа дека не е само голем фудбалер, туку и голем човек.

Кога Меси го виде расплаканото дете, застана и им нареди на луѓето од неговата придружба да го вратат момчето кај него.

Тој го прегрна уплашеното дете и се фотографираше со него за да го утеши, а потоа секој си продолжи по својот пат.