Венгер го напушта Арсенал?

Менаџерот на Арсенал, Арсен Венгер најверојатно на крајот од сезоната ќе го напушти клубот по 21 година минати на клупата на популарните „топџии“.

Оваа вест ја пренесува британскиот таблоид „Дејли стар“ и тоа само еден ден откако Венгер одбележа 20 години како менаџер на Арсенал (22.септември 1996 година).

Венгер во Англија дојде од јапонскиот тим Нагоја и како менаџер на Арсенал има три титули во Премиер лигата, шест трофеи во ФА купот. Во овој период има и едно финале во Лигата на шампионите пораз од Барселона во 2006 година.

Арсенал во последните години се поретко е во конкуренција за титулата во Премиер лигата, а една од забелешките за работата на Венгер е и лошата трансфер политика, која ја спроведува.

Како можен наследник се споменува менаџерот на Бурнемут Еди Хоув.