ЛОИ: Фудбалерите на Бразил преку пенали до олимпиското злато

Фудбалерите на Бразил го освоија првото место на Олимписките игри во Рио, откако ноќеска на пенали ја совладаа Германија со 5:4.

Во основните 90 минути резултатот беше нерешен 1:1. Нејмар во 27 минута донесе водство за домаќините, Германците изедначија во 59 минута преку Макс Мејер.

Во продолжението од два пати по 15 минути немаше погодоци, па се пријде кон изведување на удари од 11 метри.

Решавачка во пенал рулетот се покажа петтата серија кога Нил Петерсен промаши, а Нејмар постигна гол за голема радост на домашните навивачи на „Маракана“.

Победата за Бразилците е мал реванш за загубениот трофеј во финалето на Светското првенство 2014 што беше одржано во нивната земја, кога Германија триумфираше со 7:1.