Утрешниот празник Богојавление ќе биде најстудениот ден оваа зима

Утрешниот празник Богојавление ќе биде најстудениот ден оваа зима. Метеоролозите најавуваат дека ноќеска температурата во некои делови од земјава ќе падне и до 18 степени под нулата, а дневната ќе достигне до 2  степени. Најстудено ќе биде во Берово и Маврово, а во Скопје живата на термометарот ќе се спушти до – 10 степени.

Надлежните апелираат на задолжително носење на зимска опрема во автомобилите, внимателно возење со прилагодена брзина спрема условите на патот, почитување на сообраќајната сигнализација и планирање на патувањето според временските услови.