ЈСП Скопје и „Водовод и канализација“ добија нови директори
Игор Јанушев е нов директор на ЈСП - Скопје, а Александар Атанасов на јавното претпријатие „Водовод и канализација“.
Град Скопје соопшти дека новите директори се избрани на јавниот конкурс што беше објавен во декември минатата година.
Игор Јанушев е роден 1983 година и има завршено на Правниот факултет „Јустинијан Први“ при Универзитетот „Свети Кирил и Методиј“. Повеќе години е вработен во Министерството за транспорт и врски, каде досега бил раководител на Сектор за воздухопловство.
Атанасов е роден 1985 година и има завршено образование на Њујорк колеџот во Солун, на смер „Бизнис администрација и менаџмент“. Има работено во областа на односите со јавноста, а од септември 2010 година до сега ја извршувал функцијата генерален директор на за шински возила Велес.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
