Мицкоски: Ултиматум, не благодарам
Лидерот на опозициската ВМРО-ДПМНЕ на својот Фејсбук профил објави видео во кое испраќа порака до власта да го одбие францускиот предлог.
Имено Мицкоски и Ковачевски вчера имаа средба од која Мицкоски излезе и предложи три работи.
-Дадов свое гледиште на текстот и би извлекол дека ниту за мене лично, ниту за ВМРО-ДПМНЕ овие два документи вакви какви што се прифатливи. Немаме намера истите документи да ги прифатиме. Тоа е одлука не само на Христијан Мицкоски, туку и на извршниот комитет на ВМРО-ДПМНЕ. Му понудив на Ковачевски да излезе и да го одбие ова кое е доставено како предлог, а јас да се повлечам од барање за предвремени парламентарни избори, истакна Мицкоски.
-Мислам на безбедносните, енергетски, финансиски, предизвици со храна. На пролет кога ќе ја поминеме, според мене и многумина најтешката зима, да направиме реевалуација на состојбата. Ова не е преговарачка рамка со која ние обезбедување европска иднина. Ова е преговарачка рамка со која или асимилираме и бугаризираме, па така да бидеме дел од ЕУ, или никогаш нема да бидеме дел од ЕУ, нагласи претседателот на ВМРО-ДПМНЕ.
Мицкоски истакна и дека побарал да бидат извршани членовите 11 и 14.
-Членот 11 од записникот детерминира дека нема да бидат започнати преговори се додека не го промени Уставот, а членот 14 се повикува на протоколот кој е дел од втората меѓувладина конференција помеѓу Македонија и Бугарија, во кој се наоѓаат историските прашања, образованите и културни прашања, промената на учебниците. Еве, да ги избришат тие два члена, а потоа во преговарачката рамка да ги избришат деловите каде се наоѓаат годишните прегледи, делот каде се дефинирани Копенхагеншките критериуми. И да го избришат делот каде се повикуваат на протоколот од втората меѓувладина конференција, потенцираше Мицкоски.
Во одговор на новинарските прашања, Мицкоски рече дека за неговите предлози не добил одговор од Ковачевски.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа