Герасимовски: Училиштата и градинките во Центар се подготвени за почетокот на учебната година
Сите осум основни училишта во Центар заедно со трите матични објекти на градинките и клоновите се подготвени за почетокот на новата учебна 2022/2023 година.
По средбата со директорките на градинките, градоначалникот Горан Герасимовски денеска оствари средба и со директорките на основните училишта, соошшти Општина Центар.
-Образованието е клучна алатка за успешна и напредна генерација, а за успешно образование не е важна само наставата туку и условите во кои таа се одвива. Денеска директорките на основните училишта ме информираа дека сите основни училишта во Центар се подготвени за успешен почеток на школската година. Во сите основни училишта направена е дезинфекција и дезинсекција, а во тек е генерално чистење на просториите, рече Герасимовски.
Тој исто така информираше дека во ООУ „11 Октомври“ има нова кујна за здрави детски оброци. Герасимовски вчера објави и дека сите деца од Центар од 1 септември ќе бидат згрижени во градинки на територија на оваа општина.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
