Европа може да очекува нормализирање на цените на гасот дури во 2025 година

Цените на природниот гас во Европа треба да се нормализираат дури во 2025 година со употреба на течен природен гас (ЛНГ) и зајакнување на заедничката инфраструктура.

Според извештајот на агенцијата „Фич“ насловен „Најлошата гасна криза во Европа заврши“, обезбедувањето на течен природен гас и зајакнувањето на инфраструктурата се издвојуваат како клучни фактори за долгорочното снабдување со гас во Европа.

Зголемената понуда на ЛНГ во Европа, благите временски услови и чекорите за намалување на побарувачката го избегнаа најлошото сценарио за време на енергетската криза. Побарувачката за гас во Европската унија е намалена за 10 отсто во 2022 година.

Во извештајот на агенцијата „Фич“ се наведува дека побарувачката се очекува да продолжи да паѓа оваа година и да достигне 15 проценти.

Исто така, се очекува дека ЛНГ, кој е главниот алтернативен извор во намалувањето на зависноста од рускиот гас во енергетската криза, ќе продолжи да ја одржува својата важност во Европа.