Експерт за авијација: Модерните авиони не паѓаат само така од небо
Експертите за авијација кои денеска ги интервјуираше Би-Би-Си за падот на авионот во кој наводно се наоѓа Евгениј Пригожин, не веруваат дека вчерашната несреќа во Русија била несреќа.
Авионот во кој наводно летал Пригожин, е деловна верзија на авионот што првично беше претставен во 2000 година како мал млазен авион за патнички авиокомпании. Може да превезе до 13 патници во деловна конфигурација и многу повеќе со модифицирана кабина.
„Авионот беше исклучително безбеден“
Експертот за авијација Дејвид Лирмаунт вели дека тоа е „добар авион од добар производител“. За видео снимката од авионот кој паѓа на земја, а зад него се гледа бел чад или пареа, тој вели дека „мора да има некаква штета за да се објасни тоа“.
Тој додава дека „модерните авиони не паѓаат само од небо“. Консултантот за авијација Џон Стрикленд се согласува дека би било „исклучително невообичаено и ретко авион да падне од небо по нормално полетување“. Тој го опиша авионот како „исклучително безбеден“.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
