Две лица приведени поради разбојништво во Кисела Вода
Вчера во 17.20 часот на бул.„Никола Карев“ во Скопје од полициски службеници од СВР Скопје лишени се од слобода Н.Љ.(27) и М.Љ.(29), двајцата од Скопје.
Тие двајца, на подрачјето на Кисела Вода, сториле кривично дело „разбојништво“, при што од едно лице одзеле мобилен телефон.
„По преземени мерки и активности сопрено е патничко возило „фиат пунто“ со скопски регистарски ознаки, во кое се превезувале двете осомничени лица, тие се приведени во полициска станица, а кај нив е пронајден одземениот предмет“, информираат од МВР.
По целосно документирање на случајот против нив ќе биде поднесен соодветен поднесок.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа