Директорката која доцна ја прочитала дојавата за бомба: Мејлот стигнал по работното време

Мејлот со лажната дојава за бомба во основното училиште „Кочо Рацин“ во скопско Петровец бил испратен по завршувањето на работното време, кога практично немало ученици во училиштето. Директорката на училиштето, Виолета Јаневска преку социјалната мрежа Фејсбук појаснува дека во тоа време завршено било работното време на „службите кои што се задолжени за отворање на електронската пошта“.

-Mаилот е пратен вчера во 15 ч и 07 мин. по завршување на работното време на службите кои што што се задолжени за отворање на електронската пошта на училиштето и додека во моментот во училишната зграда нема ученици. Утрово по пристигнување на работното место ја отворив електронската пошта околу 7ч и 20 мин. пред почеток на часовите при што видов дека има порака со заканувачка содржина. По што го известив МВР и општината и учениците беа безбедно евакуирани во училишниот двор. Потоа пристигнаа единиците на Министерството за внатрешни работи при што беше констатирано дека дојавата за бомба е лажна. Воедно сакам да Ве информирам дека истовремено истиот мејл стигнува и во други 4 училишта меѓу другото и ООУ, Илинден"од Крива Паланка кое што исто така го пријавува случајот денес околу 11 часот, а претходниот ден МВР го бара тоа училиште во општина Илинден , но не може да го најде, се вели во објавата.

Според неа, потоа пристигнале единиците на Министерството за внатрешни работи, при што било констатирано дека дојавата за бомба е лажна.

-Сакам да прашам зошто кога на испратениот е маил се гледа до кои училишта е пратена пораката меѓу кои е и нашата е маил адреса МВР вчера не не контактира да праша дали сме добиле порака со заканувачка содржина а веќе се знаело до кои училишта е пратено???, прашува Јаневска.