Битиќи: Продолжуваат преговорите со синдикатите, ќе најдеме решение за усогласување на платите

Продолжуваат преговорите со синдикатите и како што најдовме решение за минималната плата, ќе најдеме решение и за усогласување, односно за растот на платите, рече вечерва вицепремиерот за економски прашања Фатмир Битиќи.

-Тоа што имаме разидување со синдикатите е решението „сега или никогаш“. Ние велиме „не, решение ќе најдеме сега, одржливо, со целосна методологија за раст на плати, за да не се вратиме следната година зашто не чекаат други предизвици со синдикатите. Ние нудиме одржливо и долгорочно решение, кое нема да направи голема разлика. И не е вистина дека не се зголемени платите, потенцира Битиќи во гостувањето на Канал 5 телевизија.

Во врска со инфлацијата, повтори дека до јули е 10,9 отсто.

-Дали можеме во овој момент повеќе да се бориме со инфлацијата – не, зашто е увезена. Опозиционерите многу добро знаат дека увозно и извозно зависна економија тешко се бори со инфлација, освен мерките кои соодветно се носат во овој период и дадоа резултат, рече Битиќи. 

17.08.2022 - 20:11

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега